2024 წლის 25-26 ოქტომბერს თბილისში, საქართველოს სტომატოლოგთა პროფესიული ასოციაციის, სტომატოლოგიის კლინიკა და სასწავლო-კვლევითი ცენტრის უნიდენტის, სტომატოლოგიური კონპანია A17-ის და Miccerium SPA-ს, Insieme Academy- ს ორგანიზებით და თბილისის სახელმწიფო სამედიცინო უნივერსიტეტის მხარდაჭერით ჩატარდა კიეტი-პესკარას უნივერსიტეტის პროფესორის, EAED, IAED წევრის, საერთაშორისო სპიკერის, მრავალი პუბლიკაციის ავტორის, დანიელე რონდონის (იტალია) ორდღიანი ლექცია-მასტერ-კლასი “ყველაფერი ფრონტალური კბილების შესახებ”. მეტად ინფორმატიულ და საინტერესო პრეზენტაციასთან ერთად, დანიელე რონდონის მიერ დემონსტრირებულ იქნა ფრონტალური კბილის რესტავრაციის ეტაპები, რის შემდეგაც მონაწილეებს საშუალება ჰქონდათ, სპიკერის მეთვალყურეობის ქვეშ, თავად განეხორციელებინათ რესტავრაციის ეტაპი მოდელებზე და ასევე კითხვა-პასუხის რეჟიმში, ამომწურავი ინფორმაცია მიეღოთ საინტერესო საკითხებზე. დანიელე რონდონის ასისტირებას უწევდნენ საქართველოს სტომატოლოგთა პროფესიული ასოციაციის წევრები, სტომატოლოგიის კლინიკა და სასწავლო-კვლევითი ცენტრის უნიდენტის ექიმები, თბილისის სახელმწიფო სამედიცინო უნივერსიტეტის ოდონტოლოგიის დეპარტამენტის ასოცირებული პროფესორი ნინო კორსანტია და ასისტენტ-პროფესორი ეკატერინე ბეშკენაძე.
