2024 წლის 29 სექტემბერს საქართველოს ახალგაზრდა სტომატოლოგთა ლიგის ორგანიზებით ჩატარდა კონფერენცია “კავშირების მნიშვნელობა სტომატოლოგიის და მედიცინის სხვადასხვა დარგს შორის” კონფერენციაზე მოხსენებით წარსდგენენ საქართველოს სტომატოლოგთა ასოციაციის ვიცე-პრეზიდენტები: თსსუ-ის პაროდონტისა და პირის ღრუს ლორწოვანის დაავადებათა დეპარტამენტის ხელმძღვანელი, მედიცინის მეცნიერებათა დოქტორი, პროფესორი მანანა ივერიელი და თსსუ-ის ორთოპედიული სტომატოლოგიის დეპარტამენტის ასოცირებული პროფესორი, ექიმი ორთოპედი-იმპლანტოლოგი რამაზ ორჯონიკიძე. ლექცია თემაზე : ყველაფერი (ან თითქმის ყველაფერი)პირის ღრუს ლორწოვანი გარსის დაავადებების ცალკეული ორგანოსა და ორგანოთა სისტემის პათოლოგიებთან მათი კავშირის, გამოკვლევის და დიაგნოსტიკის სპეციფიკური მეთოდების, დიფერენციაციისა და მკურნალობის შესახებ (საკუთარი გამოცდილება). მულტიდისციპლინურ ჭრილში პროფესორმა მანანა ივერიელმა წარმოადგინა მედიცინის აკადემიურ დოქტორ, ალერგოლოგ-იმუნოლოგ, ბიძინა კულუმბეგოვთან, თსსუ ბავშვთა ნევროლოგიის დეპარტამენტის ხელმძღვანელ, პროფესორ სოფიო ბახტაძესთან და დერმატო-ვენეროლოგ, ნინო ლომსაძესთან ერთდ. ხოლო ლექცია თემაზე: რომელი ექიმი აკლია შენს გუნდს? აკადემიურმა დოქტორმა რამაზ ორჯონიკიძემ წარმოადგინა ექიმ-ორთოპედ ელისო გოჩილაიძესთან ერთად. კონფერენციას, ესწრებოდნენ საქართველოს სტომატოლოგთა პროფესიული ასოციაციის წევრები და თსსუ-ის აკადემიური პერსონალი და მოწვეული მასწავლებლები: ოდონტოლოგიის დეპარტამენტის მოწვეული მასწავლებლები აკადემიური დოქტორი თეა ჯანჯალაშვილი და ჯონი ფოცხვერაშვილი, პაროდონტისა და პირის ღრუს ლორწოვანის დაავადებათა დეპარტამენტის ასოცირებული პროფესორი ხატია გოგიშვილი, ასისტენტ პროფესორები მაია ბერიძე და მერი ბორჯაძე, მოწვეული მასწავლებელი ანი ჩომახაშვილი, ორთოდონტიის დეპარტამენტის ასისტენტ პროფესორი ნატო მოსემღვდლიშვილი და მოწვეული მასწავლებელი თამარ მეტრეველი.
