სიახლეები

2024 წლის 20-24 ივნისს, ქ. ლიმასოლში (კვიპროსი) სტომატოლოგთა საერთაშორისო კოლეგიის (International College of Dentists-ICD) 67-ე კონგრესიჩატარდა. ჩვენთვის საამაყო იყო ის ფაქტი, რომ წელს კონგრესზე საქართველო დამოუკიდებელი, მე-16 დისტრიქტის  სახით წარდგა, რადგან 2023 წლის დეკემბერში, კოლეგიის საერთაშორისო საბჭოს გადაწყვეტილებით სტომატოლოგთა ევროპულ ოჯახს (ICD-ის მე-5 სექციას) საქართველოც შეუერთდა.კონგრესის მუშაობაში მონაწილეობის მისაღებად საქართველოდან 11 სტომატოლოგი იყო მიწვეული, მათგან 5 თბილისის სახელმწიფო სამედიცინო უნივერსიტეტის აკადემიური და 3 მოწვეული მასწავლებელი. პირველ დღეს, როგორც საქართველოს დისტრიქტის რეგენტი და რეგენტთა საბჭოს წევრი, პროფესორი მარინა მამალაძე ევროპის სექციის რეგენტთა საბჭოს სხდომას დაესწრო. სხდომის დღის წესრიგით გათვალისწინებულ საკითხებს შორის განიხილებოდა ისეთი მნიშვნელოვანი თემებიც, როგორიცაა მომავალი კონგრესების სამეცნიერო ფორმატი, სტომატოლოგიური განათლების ხელშეწყობა, ჰუმანიტარული აქტივობები, ახალ წევრთა შერჩევის კრიტერიუმები და სხვა. ძალიან საინტერესოდ წარიმართა სამეცნიერო დღეც, მოვისმინეთ ესპანეთის,ბრიტანეთის, დანიის და უკრაინის სპიკერთა მიერ მომზადებული ლექცია-პრეზენტაციები. ასევე საინტერესო იყო იმ ჰუმანიტარულ აქტივობათა გაზიარებაც, რაც ევროპელ სტომატოლოგთა გუნდმა ნეპალში და ლონდონის ლტოლვილთა ბანაკშიგასწიეს. კონგრესზე წარმოდგენილი იყო საინტერესო პოსტერული პრეზენტაციები და დაინტერესებულ პირებს საშუალება ჰქონდათ შეხვედროდნენ და ემსჯელათ პრეზენტაციის ავტორებთან. 

ჩვენმა გუნდმა კონგრესზე 3 პოსტერული პრეზენტაცია წარადგინა: 

-Topographical and Anatomic Features of Teeth Root Canals and Apical Foramen in Georgian

Population (M.Mamaladze., E.Beshkenadze.,L.Sanodze., M.Ustiashvili., D.Vadachkoria) 

-A Biological Approach to Endodontic Irrigation -Taking a Step Forward 

(N.Nizharadze., T.Shavadze.,K.Shalashvili., M.Mamaladze.)

 -Evaluation of the Effectiveness of Periodontitis Treatment Methods with Specific Clinical-

Laboratory Markers 

(T.Janjalashvili., T.Zhgenti) 

კონგრესზე მოხდა სტომატოლოგთა საერთაშორისო კოლეგიის ევროპის სექციის ჟურნალის ICDigest პრეზენტაცია, სადაც საქართველოს დისტრიქტის შესახებ ვრცელი სტატია დაიბეჭდა.(https://icd-europe.com/2024/04/21/icdigest-2024-and-goodbye-from-the-webmaster/) 

კონგრესის ფარგლებში მოხდა ICD-ის ევროპის სექციაში ახალი წევრების მიღებაც. 67-ეკონგრესზე საქართველოდან 3 ახალი წევრი საზეიმოდ მივიღეთ, მათ შორისსაქართველოს სტომატოლოგთა პროფესიული ასოციაციის წევრები: სტომატოლოგიისკლინიკა და სასწავლო-კვლევითი ცენტრ უნიდენტის ექიმი მაკა კოპალიანი,ოდონტოლოგიის დეპარტამენტის მოწვეული მასწავლებელი ლიკა მინაშვილი და კლინიკა “ნიუ დენტ XXI” დამფუძნებელი, ექიმი თამარ შავაძე.