სიახლეები

2024 წლის 30 მაისს თბილისის სახელმწიფო სამედიცინო უნივერსიტეტში საქართველოს სტომატოლოგთა პორფესიული ასოციაციის წევრმა, თსსუ-ის მოწვეულმა პროფესორმა,  ინსბრუკის (ავსტრია) სამედიცინო უნივერსი-ტეტის და მიუნჰენის (გერმანია) ლუდვიგ მაქსიმილიანის უნივერსიტე-ტის დოქტორმა,მიუნჰენის სტომატოლოგიური კლინიკის -  ZiP-Zahnarzt in Pasing- ის ხელმძღვანელმა, სტომატოლოგიის აკადემიურმა დოქტორმა ოთარ ვადაჭკორიამ ქართულ და ინგლისურ ენებზე ჩაატარა საჯარო ლექციები თემებზე: ციფრული ტექნოლოგიების გამოყენება თანამედროვე ორთოპედიულ სტომატოლოგიაში; ციფრული ტექნოლოგიების გამოყენებით დამზადებული მოუხსნელი ორთოპედიული კონსტრუქციები, კლინიკური შემთხვევების განხილვა. ლექციას ესწრებოდნენ საქართველოს სტომატოლოგთა პორფესიული ასოციაციის წევრები, თსსუ-ის აკადემიური პერსონალი, სტუდენტები, რეზიდენტები და ექიმები. აღსანიშნავია, რომ შეხვედრამ დამსწრე საზოგადოების დიდი ინტერესი გამოიწვია და ლექცია ინტერაქციულ რეჟიმში ჩატარდა. ცნობისთვის, თსსუ-ის მოწვეული პროფესორი, ოთარ ვადაჭკორია ლექციებს თბილისის სახელმწიფო სამედიცინო უნივერსიტეტში 2021 წლიდან ატარებს.